Dei har ikkje kunne konkludere på kvifor
.– Vi har ikkje klart å finne ei eksakt og sikker årsak til kvifor brannen starta. No avsluttar vi etterforskinga og sender den til Statsadvokaten til påtaleavgjerd, seier lensmann Åge Løseth i Fjaler.
Starta i mottaket
Løkeland krabbefabrikk fekk store skader i brannen som starta tidleg om morgonen. Politiet konkluderer med at brannen starta i fiskemottaket mot kaien. Undersøkingane tyder også på at brannen starta inne.
- Les også:
Heilt sikre er politiet likevel ikkje.
– Eg konstaterer at det var ein vanskeleg brann, ein stor brann, ein uoversiktleg brann, og at vi diverre ikkje klarte å finne ei sikker brannårsak, seier Løseth.
100 års historie
Fabrikkeigar Tor Løkeland var ikkje kjend med avgjerda til politiet, men seier tida etter brannen har vore krevjande for dei involverte.
Det er førebels uvisst kor store verdiar som gjekk tapt i brannen. Det har versert 70–80 millionar kroner, men også det dobbelte. Løkeland avviser desse tala.
– Eg kan seie at vi har gått med store, store tap. Veldig store tap, seier han og held fram:
– Det essensielle er at vi mista veldig mykje historikk, som verken det eine eller andre vil erstatte. Det er sårt å tenke på kring 100 års historie gjekk tapt i brannen.
Krevjande etterforsking
Politiet har brukt kring eitt år og fire månader på etterforskingsarbeidet. Løseth seier at etterforskinga har vore krevjande.
Totalt er det gjort 50 vitneavhøyr. Brannen er etterforska av lokalt politi. Også . Branntomta vart først frigjeven i mai 2017.
– Brannstaden var ganske så nedbrend, det var ein stor brannstad og vi måtte gjere undersøkingar fleire stader i tomta. Kombinert med mange avhøyr og analysar knytt til databeslag, så har det teke lang tid, seier lensmannen.
Håpar på ny aktivitet
Løkeland håpar at dei saman med bygda og kommunen får til ny aktivitet på tomta.
– Vi er glade i firma og å skape arbeidsplassar, men har til no ikkje makta anna enn å ta ein dag og ei veke om gangen. Vi har framleis eit firma og ynskjer å produsere. Verksemda er snart 100 år gamal, og det hadde vore flott å heisa flagget og feira det, seier Løkeland.