NRK Meny
Normal

Festbråk og rus over heile fylket

Politiet melder om slåsting og fulle folk fleire stadar i fylket natt til 17. mai.

I Sogndal vart to menn i 20-åra viste vekk frå sentrum etter slåsting på ein utestad. Politiet køyrde også heim ei jente i slutten av tenåra som var overstadig rusa. Fem mindreårige vart i løpet av natta fråtekne alkoholhaldig drikke som dei hadde med seg.

På festplassen i Førde vart tre menn i slutten av tenåra viste vekk frå sentrum grunna slåsting. Politiet var og på festplassen for å dempe lydnivået på festinga der. Ein gut på 17 år vart vist bort då han var overstadig rusa og uønskt i sentrum.

I Florø vart ein mann i slutten av tenåra vist vekk frå eit arrangement grunna ufin oppførsel. Det same skjedde med ein mann og ei kvinne i 20- åra litt tidlegare på kvelden.

I Stryn vart ein rusa mindreårig gut vist vekk frå sentrum og ein gut på 17 år som var overstadig rusa vart køyrt heim til foreldra sine. Ein mann i Stryn vart meld til politiet for å ha slått ein annan mann i andletet. Begge dei to var i slutten av tenåra.

I Nordjfordeid vart ei jente i slutten av tenåra som var på ein privat fest teken hand om av helsepersonell då ho var overstadig rusa.

Sandane vart fem menn i 20-åra viste vekk frå sentrum då dei var uønskt på staden.

Og til sist melder politiet at i Høyanger vart ei jente i slutten av tenåra køyrd heim fordi ho var overstadig rusa.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.