Det syner rekneskapen for 2012 som vart lagt fram på årsmøtet til forbundet i Sogndal laurdag.
I slutten av august i 2011 stod Jarle Kirketeig fram i NRK og fortalde om det han hevda var år med mobbing i jobben. Kirketeig var tilsett ved Fellesforbundet avdeling 19 sitt fylkeskontor i Førde og sa han kjente seg trakassert av den valde fylkesleiaren, Magne Ulvatn. Ei tid etter dette vart han oppsagt frå stillinga si.
Kirketeig fekk full støtte i retten i fjor haust, og denne veka vart det klart at partane hadde inngått eit forlik.
- LES OGSÅ:
Møtet opna dramatisk, tidlegare leiar Magne Ulvatn starta med å annonsere offisielt at han trekkjer seg frå leiarvervet, før han forlét møtet.
- LES OGSÅ:
Tidlegare har NRK fortalt at rettssaka har kosta Fellesforbundet 1,4 millionar kroner. No syner resultatrekneskapen for 2012 at forbundet hadde gått i balanse i 2012 om det ikkje hadde vore for rettssaka.
I rekneskapen står posten «Utgifter Kirketeigsaken» med utgifter på 747 736 kroner. Årsresultatet syner minus 733 931 kroner. Utan Kirketeig-saka hadde Fellesforbundet avdeling 19 gått 13 805 kroner i pluss i 2012.
Men det er likevel ikkje so dramatisk for økonomien i forbundet som det kan høyrast ut som. Balanseoversikta syner at dei framleis har ein eigenkapital på 1,77 millionar kroner. Ved inngangen til 2012 var eigenkapitalen 2,5 millionar.
- LES OGSÅ:
- LES OGSÅ:
