– Harald plar som regel å vere sistemann inn i bussen, og han køyrer ofte bil sjølv. Då kan det bli litt kluss - og denne gongen var det dårleg kommunikasjon, seier Ulrik Flo.
Han spelte onsdag heile kampen, då Sogndal tapte 4-0 borte mot Haugesund.
- LES OGSÅ:
– Det er sånt som skjer...
Etter det tunge tapet vart trenar Harald Aabrekk ståande og snakke med heimelaget sin eigen TV-kanal – og han må ha teke seg god tid til å svare på spørsmål.
For i mellomtida forlet spelarbussen til Sogndal like godt stadion. Dei sette med ein gong kursen mot heimlege trakter. Tilbake stod Aabrekk og ante ingenting.
– Det er sånt som skjer. Eg har også blitt gløymt att. Om ein brukar lang tid, blir det gjerne mistolka som at du kanskje skal vere igjen, seier Flo.
- LES OGSÅ:
(Artikkelen held fram under biletet)
PÅ GAMLE TRAKTER: Harald Aabrekk har tidlegare vore trenar for Haugesund, og hadde kanskje ikkje så mykje imot å bli igjen i byen...
Foto: Rune Fossum / NRKFekk seg ein latter, trass alt
– Kor langt var de komne, før de oppdaga at han mangla i bussen?
– Eit kvarter, kanskje 20 minutt. Først trudde vi det var ein spøk, fortel Flo.
– Så fekk vi høyre at han skulle ta taxi til den første ferja, men det er eit nokså langt stykke. Så det heile enda med ein god latter, smiler han.
LES OGSÅ:
Spelargruppa til Sogndal fekk med andre ord ein aldri så liten opptur likevel - trass tunge 4-0 på bortebane...
NRK har utan hell prøvd å få ein kommentar frå Harald Aabrekk.