– Det er veldig bra, det kan føre til meir aktivitet her i Eikefjord, i staden for at alle må ut til Florø for å gjere ulike ting. Vi slepp å dra til Førde og treng ikkje å dra så langt for å gjere ting, fortel ungdomar NRK møtte i Eikefjord før i dag.
Bygdefolk og organisasjonar i bygda har sjølv samla inn kring sju millionar kroner til prosjektet, som har ein totalkostnad på om lag 23 millionar.
– Når vi har fått avklart alle spørsmåla i forhold til økonomi, så var det berre å brette opp ermene og gyve laus. Bygda og lokalt næringsliv har reagert på ein fantastisk måte, seier leiar i bygdeutvalet, Brigt Samdal, til NRK.
Etter at bystyret samrøystes gjekk inn for både skuleløysing og hall kunne Samdal puste letta ut.
- Les også:
Det var etter at bystyret i Flora vedtok bygging av ny skule, at planane om fleirbrukshall i Eikefjord verkeleg fekk fart på seg.
– Eg synest bygda har vore heilt fantastisk, med så mykje støtte frå ulike lag i Eikefjord. Eg trur vi klarer å kome i mål ganske fort. Vi treng verkeleg denne hallen for å få betre miljø. Det kan hjelpe heile Eikefjorden, og vi fortener det, seier dei glade ungdomane i byda til NRK.
- Les også: