NRK Meny
Normal

Fekk raskt kontroll på lyngbrann

Brannvesenet rykte i 21-tida tysdag kveld ut til ein lyngbrann på Klavelandet i Florø. Brannen kan ha starta av ein sneip.

Lyngbrann på Klavelandet i Flora

LIKE VED RASTEPLASS: Det byrja brenne i terrenget ved rasteplassen ved Klavelandet i Flora, men denne vart til all hell raskt sløkt.

Foto: Truls Kleiven

– Vi har førebels ikkje heilt oversikta, sa vaktleiar Espen Rysjedal ved Alarmsentralen i Sogn og Fjordane like over klokka 21.

Han fortalde at meldinga gjekk ut på at det brann på nedsida av riksveg 5.

– Det skal vere eit område på ein fire-fem kvadrat som brenn no, men det er tørt i lyngen, sa Rysjedal som fortalde at brannvesenet til Florø var sende til staden.

Kor tid etter melde brannvesen og politi at lyngbrannen var under kontroll.

– Det har roa seg på staden, og brannvesenet er no framme og vil ha på vatn, seier Rysjedal til NRK.no klokka 21.15.

Han seier det er i området ved rasteplassen på Klavelandet det har byrja brenne. Dette kan ha vore hell i uhell, då det skal mykje til for at brannen hadde spreidd seg over riksvegen og opp i terrenget på oppsida.

– Vegen utgjer ei god branngate, og det er også ein del fjellhamrar der. Så det måtte i så tilfelle bra med vind til, seier vaktleiaren.

Ifølgje politiet kan brannen ha starta på grunn av uforsiktig omgang med sneipar. Alarmsentralen i Sogn og Fjordane åtvara tidlegare i dag mot svært stor skogbrannfare, og bad folk vere svært forsiktige med open eld.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.