Det skjedde under eit folkemøte på Olden skule der ein tverrpolitisk fylkestingsbenk stadfesta kor viktig det er å få rusta opp riksveg 15 mellom Olden og Innvik.
Ras, trafikkulukker og til dels kaotiske tilstandar sommarstid har prega den mykje omtala vegen i Nordfjord siste åra.
- LES OGSÅ:
– Vi fekk vite at det ligg inne ei løyving i budsjettet for 2013 til behandling i finansutvalet, det er snakk om fem millionar kroner til forprosjektering på Ugla–Skarstein, seier ein av initiativtakarane, Olav Rune Haugen.
Trur på 2015
Dette gjorde at lokalbefolkninga stilte som rasvakt første skuledag i haust, for å markere viktigheita med å få ferdigstilt heile opprustingsarbeidet.
(Artikkelen held fram under TV-saka)
Haugen skildrar møtet torsdag kveld som godt, med stort oppmøte, entusiastisk publikum og med fylkespolitikarar på plass.
– Signala frå eit tverrpolitisk panel var at dette vil gå igjennom. Før møtet torsdag var det kanskje ein våt draum å få Olden–Innvik ferdig utbygd i 2015. No meiner vi det er realistisk å få det til, seier han.
Trur på meir midlar
For signala frå fylkespolitikarane var positive. I tillegg til løyvingar i neste års budsjett, fekk forsamlinga stadfesta at politikarane har gjeve vegen uomtvisteleg førsteprioritet blant fylkesvegutbyggingane.
Dette meiner Haugen er viktig med tanke på rulleringa av NTP og å få på plass naudsynte midlar til sluttføring av Ugla–Skarstein.
- LES OGSÅ:
– Det vi manglar er ei startløyving for 2013, som vi meiner at vi må klare å finne i budsjettet for 2013. Det er ikkje snakk om store pengar, men snakk om å finne eit titals millionar for å halde oppe trykket på prosjektet, seier Haugen.
(Artikkelen held fram under TV-saka)
Parallelt arbeid
Fylkesordførar Åshild Kjelsnes (Ap) seier at det er ei kjensgjerning at fylket manglar midlar til strekka Skarstein–Ugla.
- LES OGSÅ:
- LES OGSÅ:
– Men det er viktig å få sett i gang prosjekteringa parallelt med arbeidet i dag. Då er vi i posisjon til å starte opp så snart vi klarer å få midlar, seier Kjelsnes og legg til:
– Ambisjonen vår er å klare å halde utbygginga i kontinuerleg drift, seier ho.
– Elendig forfatning
– Vegen er i elendig forfatning. Vi er redde for å sende pendlarar, ungar og trafikantar generelt ut på vegen, held Haugen fram og fortel at dei no ynskjer å vere tidleg ute med tanke på å kunne påverke arbeidet framover mot fylkestinget i desember.
- LES OGSÅ:
Saman med fylkestingspolitikarane vonar dei å overtyde sentrale vegstyresmakter om at dei må halde framdrifta av arbeidet.
– Geologar seier at den utbetringa som blir gjort no, vil gjere vegen noko sikrare i fire til seks år. Til helga opnar Kvivsvegen og set trafikk frå ein riksveg og rett inn på ein fylkesveg som ikkje held standard. Det forpliktar også sentrale styresmakter å løyve midlar, avsluttar Haugen.