– Eg vart litt uroa i starten, for kulen var ganske stor, seier Kjerpeset til NRK.no.
Men etter ein tur til fysioterapeut er florøværingen langt mindre bekymra for at kulen skal lage krøll for kanonformen.
– Fysioterapeuten meiner det berre er ei lårhøne. Eg har sikkert komme borti ein hekk, men slikt kjenner ikkje eg når eg spring, seier Kjerpeset.
(Artikkelen held fram under videoen)
- LES OGSÅ:
Måtte stå over 200 m
Han står over 200 meter hekk som han skulle ha sprunge litt seinare i dag. Men han er rimeleg sikker på at han er på startstreken på Bislett Games torsdag, som planlagt.
– Det er ein slagskade som er lett å handtere. Fysioterapeuten seier han er vekk til måndag dersom eg gjer som eg får beskjed om, seier Kjerpeset.
Stortalentet frå Florø ser fram mot det som fort kan bli tidenes sesong. I dag sette han ny personleg rekord, og sjølv om han ikkje klarte å ta norgesrekorden på 50,67, er han godt nøgd med ny pers på 50,86.
(Artikkelen held fram under videoen)
– De skulle så gjerne sprunge bittelitt fortare i dag. Eg hadde ein draum om norgesrekord på heimebane, seier Kjerpeset.
Men han er ikkje skuffa, tvert om. Vind og låge temperaturar gav heller ikkje optimale forhold.
– Eg er veldig nøg. Dette var ei veldig positiv oppleving. Det er store ting i vente, lovar Kjerpeset.
(Artikkelen held fram under videoen)
- LES OGSÅ:
- LES OGSÅ:
Ligg godt til rette for resten
Kroppen fungerer optimalt og svarer godt på utfordringane, og det gjer florøværingen sugen på stemna som ligg føre.
– Alt er supert. Både når det gjeld fart og uthaldenheit. Alt er over venta, så det ligg godt til rette for resten av sesongen, seier 21-åringen.
Han har også sluppe unna skadar i sesongoppkøyringa, noko han meiner betyr mykje.
– Svara vi har fått no fortel oss at vi tydelegvis har treng veldig riktig, seier Kjerpeset.