NRK Meny
Normal

Fekk blindpassasjer på kjøpet

Grytidleg torsdag skulle 25 alpakkaer bli levert til ein familie i Hornindal.
Dyra hadde ein strabasiøs tur bak seg, med fly, båt, og bil frå New Zealand.

Video nsps_upload_2009_1_22_17_20_51_3198.jpg

Matmor Connie Theresa Radermacher Haugen, har vore spent på korleis turen har gått.

- Vi hadde telefonkontakt med sjåføren heile tida, så vi har følgt med turen heile vegen opp, seier ho.

Blindpassasjer

Men då dyretransporten endeleg vart opna i Hornindal, fekk familien seg ei stor overrasking. For då sjåføren begynte å losse dyra, fann han ein liten krabat i lag med dei 25 vaksne dyra.

Men Haugen og Jørgen Langeland i Mattilsynet reagerte ikkje med glede, som ein kanskje skulle tru.

"Å nei" sa mattilsynet, og eigaren slo følgje med "Skitt".

Alpakka til Hornindal
Foto: Cosmin Cosma / NRK

For ein dag gamal og fødd på danskebåten, er den vesle alpakkaen allereie til bry for Mattilsynet. For det er ikkje lovleg å importere dyra før dei er to år gamle.

Stor alpakkafamilie

Connie Theresa Radermacher Haugen importerte sitt første alpakkaparti for fire år sidan. I dag driv familien med avl, og den eksklusive ulla er populær.

- Det går veldig bra. Vi har utvikla oss. Vi fått fleire alpakkaborn, importert fleire og fått med oss mange oppdrettarar. Så no er vi ein stor alpakkafamilie i Norge.

No har dei til saman 41 alpakka.

Slepp langvarig isolat

Dei nye importerte alpakkaene skal no stå i isolat i eit halvt år. Etter fleire telefonar bestemte Mattilsynet torsdag at den vesle guten slepp å stå aleine i isolat i to og eit halvt år.

- Eg trur nok at sidan denne er fødd så og seie her til lands, så skal det gå bra, seier Jørgen Langeland i Mattilsynet.

Alpakkababy til Hornindal
Foto: Cosmin Cosma / NRK
Den nye regjeringa vurderer å kvitte seg med odelslova. Det kjem ikkje på tale, svarer bøndene.
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.