«Er det nasjonaldag, so er det nasjonaldag», seier Håvard Larsen.
Han, Gaute Bøyum Dvergsdal, Hans Jørgen Øygard, Sindre Dvergsdal og Kjersti Ullebust pakka finstasen ned i sekkene sine og la ut på tur mot Jostedalsbreen om morgonen 17. mai.
– Me hadde med oss dress heile gjengen, og Kjersti hadde kjole. Det var full fyr og me song nasjonalsongen der oppe, seier Larsen.
- LES OGSÅ:
Bomma «litt» på planlegginga
SLIPS, SKJORTE OG JAKKE: Håvard Larsen pynta seg til nasjonaldagsfeiring på Jostedalsbreen.
Foto: privatLarsen seier at han vart spurt torsdag kveld om han ville vera med. Kameraten sa det kom til å ta om lag fire timar.
– Då kunne eg jo gå i 17. mai-tog etterpå, so då vart eg med, seier Larsen.
Målet med turen var Supphellenipa på Jostedalsbreen, men so langt kom dei aldri.
– Me måtte snu siste biten, det var so mykje vind. Me brukte vel totalt 10 timar, og me hadde motvind heile vegen opp. Dessutan var det so lite snø at me måtte bera skia nesten heile vegen, so det var surt.
Difor vart det nasjonalsong, bamsemums, flagg og finstas på Flatbreen, ein brearm like sør for Supphellenipa i staden for.
– Me hadde ikkje med oss sjampanje, men bamsemumsen var ein fullgod erstatning, flirer han.
BAMSEMUMS OG FLAGG: Gaute Bøyum Dvergsdal med ein liten bamsemumspause på veg opp.
Foto: Håvard Larsen