NRK Meny
Normal

Feil på linjenettet mørkla Årdal

Ein feil på linjenettet har stogga straumtilførselen til Øvre Årdal og Årdal i ein time.

Hydro Aluminium Årdal Metallverk
Foto: Kjell Arvid Stølen / NRK

Bygdene vart mørklagde i 21-tida laurdag kveld. Også Hydro Aluminiumi Øvre Årdal vart råka av feilen.

Ein nær ein time var straumen tilbake.

– Vi er no i gang med oppstartsprosedyrane på verket. Ein time utan straum er ikkje eit dramatisk langt utfall for vår del, seier pressekontakt Erik Brynhilddsbakken hos Hydro i 22-tida.

Uviss feil

Pressevakt hos Statnett, Berit Erdal, sa like etter straumstansen at dei var i full gang med å lokalisere og rette feilen.

Like over klokka 22 melder Statnett på sine nettsider at transmisjonsnettet er reparert. Årsaka til utfallet er framleis ikkje kjent.

– Statnett fekk feil på kraftleidning mellom Leirdøla og Fortun kring klokka 21.05, og det medførde at Indre Sogn vart utan straum, opplyser Statnett.

Kritisk i 2016

Situasjonen vart kritisk for verket i Årdal då uvêret «Tor» tok straumen i tre timar i 2016. Då vart 38 av totalt 326 omnar øydelagde. Av desse måtte ni omnar skiftast ut, medan resten trengde reperasjon.

Når straumen forsvinn frå verket står aluminium i fare for å størkne i omnane eller elektrolyseceller.

– Vi avheng av kontinuitet i straumleveransen for å drive optimalt. Ein straumstans vil alltid vere alvorleg for oss, seier han.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.