Det er snart ti år sidan sentralsjukehuset i Førde begynte å utføre fedmeoperasjonar, og fagfolket kan no sjå langtidsvirkningane.
Utfordrande tid i etterkant
Sølv om pasientane er begeistra, byr tida etter operasjonen på store utfordrinar, ifølge fysioterapeut Eli Natvik. I november er mastergradsoppgåva til Natvik om pasientane sine opplevingar vel fem år etter operasjonen- ferdig.
- Sjølv om du går ned i vekt, så må du jobbe med deg sjølv på mange område i livet i etterkant. Forutan vekta er livssituasjon ganske lik som tidlegare, seier Natvik.
- Psyken held deg tilbake
Då pila peika på 193 kilo såg ikkje Geir Henning Hansen nokon annan utveg enn å ta ein fedmeoperasjon.
Som leiar for støttegruppa for dei fedmeopererte er han einig i at ein ny kvardag kan vere vanskeleg å meistre. For sjølv om kroppen ikkje lenger er til hinder, kan psyken halde ein tilbake frå å leve det livet pasienten hadde tenkt skulle kome etter operasjonen.
- Ein kan bli litt inneslutta, og mange kvir seg fortsatt for å gjere ting som ein ikkje kunne gjere når ein var overvektig.