Får opne bankkonto

Etter snart seks års kamp mot bankane får Sturle Sunde frå Florø endeleg opne bedriftskonto for bitcoin-handel, skriv E24. Det er Sparebanken Sogn og Fjordane som etter fleire avslag no har gått med på å la Sunde og selskapet hans Bitmynt A/S få opprette konto for å drive med bitcoinveksling. I mars gjekk han til sak mot banken, men no fekk han altså gjennomslag for kravet før saka kjem opp for retten. Årsaka til at banken snudde er at Finanstilsynet har registrert Bitmynt i konsesjonsregisteret og skal føre tilsyn med selskapet.