NHO Sogn og Fjordane har kåra AskAdam til årets nyskaping i fylket.
Juryen vurderte AskAdam opp mot fire kriteriar, og fann at bedrifta oppfyller alle på ein svært tilfredsstillande måte: Det heiter at AskAdam er basert på nyskaping, er framtidsretta, er ein rollemodell for ungdom og viser lønsemd.
Leverer SMS-søk mot Wikipedia
AskAdam AS er ei relativt nystarta teknologibedrift, som er grunnlagt av gründerane Linn Dyveke og Njål Wilberg frå Mjømna i Gulen.
AskAdam leverer SMS-søk mot nettleksikonet Wikipedia. Etter at AskAdam lanserte sitt produkt, har også andre aktørar komme med liknande leveranse etter modell av AskAdam.
- Gründerane bak AskAdam er begge unge og høgt utdanna. Dei syner at ein kan skape sine eigne arbeidsplassar, og at ein kan vere nyskapande utanfor dei store byane, heiter det i grunngjevinga frå NHO.
100 millionar i potensial
Som vinnar i Sogn og Fjordane går AskAdam AS vidare til den nasjonale konkurransen. Vinnaren av NHO sin Nyskapingspris blir kåra i slutten av august.
Ni månader etter lansering nådde AskAdam millionomsetnad, og marknadspotensialet i tenesten er stort.
Njål Wilberg meiner sjølv at dette kan liggje på rundt 100 millionar årleg i Norden.
PS: Ask Adam AS ved Njål og Linn Wilberg vart tidlegare i vinter årets vinnarar av Sogn og Fjordane sin