Fleire hundre av heimelaget sine supporterar sprang inn på bana, og store politistyrkar var raskt på plass. Bortelaget sine spelarar vart jaga i garderoben av heimefansen, og fleire av spelarane la på sprang inn i garderoben.
Minutta i forkant hadde spissveteranen til Wolfsburg, Mario Gomez, jubla hemningslaust på benken etter at han vart bytta ut. Det gjorde ikkje stemninga mindre amper og det toppa seg då fleire av Wolfsburg-spelarane jubla direkte mot heimefansen på veg i garderoben.
Ein funksjonær måtte også få medisinsk behandling, etter at han vart skadd då heimefansen fyrte opp ei rekke med bluss i starten av andre omgang.
- Les også:
Avgjorde tidleg
Då Vieirinha scora målet til Wolfsburg, fem minutt etter pause, var kampen i realiteten over. Den første kampen mellom laga enda også med 1–0-siger til Wolfsburg, som vann 2–0 samanlagt.
Valsvik og Eintracht Braunschweig måtte ha scora tre mål på slutten for å sikra opprykket.
På bana var Wolfsburg det beste laget, og 6–0 tapet mot Arminia Bielefeld i nest siste serierunde gjorde at Valsvik og Eintracht Braunschweig også neste sesong vert å finna i 2. Bundesliga. Med poeng der hadde dei rykka opp direkte, men dei tapte andreplassen til Hannover på målforskjell.
Wolfsburg hadde i tillegg to ballar til i nettet som vart annullert og heimelaget måtte fullføra kampen med ti mann.