Fann store mengder smuglargods i varebil

Fire menn er varetekstfengsla etter eit stor beslag av øl, sprit og sigarettar.

Smuglarvarer i Førde

STORE MENGDER: 1000 liter øl, 100 liter sprit og 6000 sigarettar blei funne i varebilen.

Foto: Ole Andre Rekkedal / NRK
Jan Egil Tvinde

SPANA: Lensmann Jan Egil Tvinde seier det er sjeldan dei kjem over så store mengder smuglargods.

Foto: Tone Merete Lillesvangstu / NRK

Lensmann i Førde og Naustdal, Jan Egil Tvinde, seier det er snakk om store mengder smuglarvarer.

– Vi har teke hand om 1000 liter øl, 100 liter sprit og 6000 sigarettar, seier han.

Varebilen blei stoppa i Førde laurdag etter spaning og samarbeid med andre etatar.

Dei fire mennene som no er fengsla, er frå Aust-Europa og er i 20-30-åra. Tvinde seier at smuglargodset skulle til Førde, men vil ikkje seie noko om kven som skulle ha det.

Smuglar-øl i Førde

ØL: Dette er nokre av ølboksane som politiet no har teke hand om.

Foto: Ole Andre Rekkedal / NRK

– Det er bra at vi får hand om dette. No er spørsmålet om dette har pågått lenge eller om det er første forsending, seier han.

– Kor ofte kjem de over så mykje smuglarvarer?

– Det er sjeldan. Eg hugsar ikkje sist vi fann slike mengder.

Lensmannen har ikkje tal på kor store beløp som er unndrege toll og avgifter.

– Men vi veit at det er snakk om forteneste i titusenkronersklassen på ein slikt tur.

Saka blir no etterforska vidare av politiet.

Laster Instagram-innhold
Øya Bremangerlandet vil vere utan veg til fastlandet fram til neste veke.
For han som var sekundar frå å bli treft av steinblokkene, var det ei skremmande oppleving.
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.