Rovviltkontakt Einar Fortun i Luster har vore i fjellet for å leite etter spor.
– Vi fann spor etter bjørnen ved Styggevatnet. Det er ikkje så langt frå der dei såg han på laurdag frå Skjåk-sida, berre omlag fem kilometer i luftlinje.
– Kvar trur du bjørnen har teke vegen?
– Det såg ut til at den har gått sør-vestover frå vatnet, i retning Vetledalen og fram mot eit område der det eit hi som vart brukt for tre-fire år sidan.
- LES OGSÅ:
Fortun trur at bjørnen framleis er i fylket. Men han fryktar ikkje at den skal oppsøke område der det bur folk.
– Dersom det er slik eg trur, at bjørnen har gått mot hiet, så vil den halde seg i nærleiken av der den vil liggje i vinter.
