– Vi kjenner førebels ikkje til om mannen er skadd, men han får tilsyn av kunnig personell. I tillegg må han bli med for å få teke ei utvida blodprøve, seier operasjonsleiar Trond Hatlenes.
Trafikkuhellet vart meldt like før klokka 07.30.
– Føraren av bilen er ikkje eigaren av bilen, men vi har førebels ikkje informasjon som tyder på at bilen er stolen, seier Hatlenes.
Forbipasserande punkterte
Det var ingen vitne til sjølve hendinga.
– Bilen ligg på taket, delvis ute av vegen, men litt inne i vegbana. Det er sett opp varseltrekant, men det er ein del glasbrot i vegbana. Ein forbipasserande har allereie punktert. Vegtrafikksentralen er varsla, så dette vil bli teke hand om raskt, seier Hatlenes.
Bilberging er bestilt, og det er mogleg vegen vert stengd nokre minutt medan bilberging pågår.