SATSAR PÅ FILM: Iver Heen Ask frå Gloppen har brukt mykje tid ute i naturen den siste tida.
Foto: PrivatIver Heen Ask (20) og kameraten Sondre Utheim (19) var ute for å fange stjernehimmelen på film på Utvikfjellet. Dette er ein del av filmprosjektet deira.
Ask seier han ikkje visste at det skulle vere nordlys i natt.
– Det var flott å sjå på og det bevega seg ganske raskt på himmelen. Etter kvart køyrde vi til Våtedalen for å sjå på nordlyset, seier han.
- LES OGSÅ:
- LES OGSÅ:
Skal vise den vakre naturen
Heilt sidan mai har Ask halde på med å filme naturen i heimkommunen Gloppen. 20-åringen er frå Sandane og har som mål å lage ein film som viser skiftet i naturen.
– Eg fekk med meg Sondre som er frå Hyen. Vi har gått på medielinja på Firda vidaregåande i lag og har stor interesse for foto og film.
Målet er å få filmen klar til desember. Den skal sendast til ulike filmfestivalar og Ask håper også å få vist den i si heilskap på kinoen på Sandane.
– Vi vil vise fram den vakre naturen vi har. Eg trur at det vil ha effekt på dei som har flytta vekk frå Gloppen og på turistar, fortel han.
- LES OGSÅ:
- LES OGSÅ:
Oppe mange netter
Mesteparten av tida deira går med til prosjektet. Det har blitt mange soloppgangar og solnedgangar i det siste, og fleire turar til dei høgste toppane i Gloppen.
– Eg var ikkje i seng før halv sju i dag tidleg. Vi skal også ut i natt for å filme stjernehimmelen med såkalla timelapse.
Filmen har dei så vidt starta å klippe og den lengste versjonen skal bli ein halvtime
– Vi håper folk skal få ei god-kjensle når dei ser den, seier han.