Til saman var 21 591 gjestar innom musea i fylket i løpet av fjoråret.
Nedgang i Jølster
Både på Anders Svor Museum i Hornindal, Astruptunet og Eikaasgalleriet i Jølster er det registrert færre besøkande.
I Lærdal har derimot Gjesmegalleriet hatt stabile besøkstal. Dette trass i at arbeidet der for det meste har vore konsentrert om å førebu seg til eit nytt kunstsenter.
(Artikkelen held fram under biletet)
Rekord i Førde
Det Sogn og Fjordane Kunstmuseum sjølv synst er mest gledeleg er at besøkstala i Førde har nådd ein ny topp.
Kunstsenteret i Førde hadde i løpet av dei 12 månadane nær 7000 kunstinteresserte på besøk.
Det er ein auke på nær 1700 gjestar frå året før.
Også museet på Prestebøen i Førde hadde ein oppgang i talet besøkande.