Konserten skulle opphavleg sendast berre på sjølvaste julekvelden og 1. juledag, men NRK valde alt å tjuvstarte med ei ekstra framsyning måndag kveld.
Så viss du ikkje var ein av dei heldige som fekk med seg to konsertar i Sogndal kulturhus, for ei lita veke sidan, så fortvil ikkje. Framleis kan du benke deg i godstolen og få både Tone Damli og Eva Weel Skram og ei rekkje andre kjende artistar frå Sogn og Fjordane rett inn i stova di.
– Dette er utruleg kjekt, seier prosjektleiar for Julelutt, Stian Sjursen Takle.
- Les også:
Fekk syngje med onkelen
I årets Julelutt fekk Sogndals-jenta Eva Weel Skram oppfylt ein gammal draum om å syngje duett med onkelen Knut Skram.
Sjursen Takle er svært godt nøgd med årets Julelutt.
– Det er eit heilt fascinerande program. At du får høve til å oppleve så mange og ulike artistar på same scene, er unikt, seier Sjursen Takle.
Det er åttande år på rad at NRK arrangerer Julelutt.