SNART TIL PÅTALEMAKTA: Regionlensmann Åge Løset seier ulykka i Fardal snart er ferdig etterforska.
Foto: Alf Vidar Snæland– Ulukka er nesten ferdig etterforska. No skal vi ta ein gjennomgang før saka blir sendt til påtalemakta, seier regionlensmann Åge Løseth.
To mista livet
Løseth har tidlegare sagt det har vore ei krevjande sak å jobbe med fordi det var mange vitne og mange skadde.
Det var 12. august i år at ein svensk turistbuss kolliderte med ein lokal rutebuss vest for Sogndal. Ei kvinne frå Ålesund og ei taiwansk kvinne omkom i ulykka.
- LES OGSÅ:
Håpa på rettssak før jul
Den svenske sjåføren av turistbussen er sikta for aktlaus køyring, men erkjenner ikkje skuld i ulykka. Politiet har tidlegare i haust fått rapportane frå ulykkesgruppa til Statens vegvesen, men ønskjer ikkje å utdjupe noko meir kring korleis ulykka skjedde.
Politiet håpa lenge å få saka for retten allereie i desember, men grunna auka arbeidsmengd har saka teke litt lenger tid å etterforske ferdig enn først tenkt.
– Vi håper å få sendt saka over til påtalemakta rett over nyttår, seier Løseth.
- LES OGSÅ:
- LES OGSÅ:
VIDEO: To kvinner mista livet og fleire blei skadde i ulykka i Fardal.
