NRK Meny
Normal

Etterforskar brann i gardsbygning

Politiet skal tysdag gjere ei åstadsundersøking i gardsbygningen som søndag brann ned til grunnen i Hyllestad.

Laster kart, vennligst vent...

BRANN: Politiet har rutinemessig oppretta sak etter at ein gardsbygning brann ned til grunnen søndag føremiddag.

Ingen personar eller dyr kom til skade då ei løe i Rysjedalsvika brann ned til grunnen i går føremiddag. Brannvesenet fekk raskt kontroll på brannen og hindra den i å spreie seg.

Skal gjere undersøkingar

Alle naudetatane rykte ut etter melding om brannen. Politiet har oppretta sak og etterforskar brannen på vanleg måte.

– Det er altfor tidleg å konkludere med brannårsak, men vi har nokre opplysningar å gå etter, seier politiførstebetjent Rolf Aamot ved Hyllestad lensmannskontor.

Tysdag blir det gjennomført undersøkingar på branntomta i håp om å finne svar på kva som skjedde.

Ifølgje politiet gjekk ein traktor og diverse anna utstyr med i flammane.

Brannmann skadd

Etter at brannvesenet hadde fått kontroll på brannen vart tankbilen send til Hyllestad for å fylle vatn. På veg tilbake til brannstaden køyrde brannbilen i grøfta.

Brannsjef i Hyllestad, Bjørnar Drøsdal, seier det han veit om hendinga er at tankbilen kom for langt ut på asfaltkanten før kanten tok tak i bilen og forårsaka utforkøyringa.

Drøsdal seier hendinga ikkje fekk innverknad på skadeomfanget til brannen, då dei hadde kontroll på staden før den sende tankbilen for å fylle. Dei vil følgje opp hendinga, mellom anna ved å snakke med føraren om ulukka.

Den 57 år gamle brannmannen som køyrde tankbilen vart send til Førde sentralsjukehus etter utforkøyringa. Ifølgje Helse Førde er han lettare skadd.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.