Estisk toppspelar signerte for Stryn

For ei veke sidan kom Tanel Melts til Stryn. Då han spurte om lov til å bli med på 3. divisjonslaget visste trenaren lite om rutinen og karrieren estaren kunne skilte med.

Tanel Melts har signert for Stryn.

TOPPSPELAR: Estiske Tanel Melts spurte om han kunne få lov å spele fotball med Stryn sitt 3. divisjonslag. Trenaren angra ikkje på at han sa ja.

Foto: Thomas Thaule / Fjordingen

– Det viser seg at han har spelt ein del år i toppdivisjonen i Estland. For oss var det utruleg tilfeldig at det dukka opp ein slik kar i bygda vår, fortel trenar Johann Sigurdsson.

For nokre månadar sidan flytta kjærasten til Melts til Stryn, og sist veke melde også 28-åringen flytting til Nordfjord. Med seg i bagasjen har han mellom anna eit seriemeisterskap i estisk toppfotball og spel i Europaligaen og på U-23 landslaget. At Melts heldt eit høgt nivå vart dei kjapt klar over.

Johann Sigurdsson

MIDT I BLINKEN: For trenar Johann Sigurdsson er nysigneringa eit kjærkome tilskot til ein ung stall.

Foto: Kjell Arvid Stølen / NRK

Rotterace for laget framover

– Det viste seg med ein gong han kom på trening at han var ein veldig god spelar. For oss i 3. divisjon så er det ein spelar som hevar kvaliteten på trening og kamp.

Melts er ein allsidig midtbanespelar som kan spele både på kant og sentralt. Omleggingar i divisjonane gjer at Stryn, som ein av mange klubbar, må kjempe innbite resten av sesongen for å klare å halde seg i 3. divisjon. Trenaren trur nysigneringa kan få ei nøkkelrolle, sjølv om han trur det vil ta litt tid før Melts er varm i trøya.

– Vi må nesten vinne alle kampane som er igjen for å klare oss. utover hausten blir det skadar og karantenar, så vi hadde behov for så vidt behov for å styrke stallen. Å styrke treningsgruppa heime er også viktig, for vi har mange som studentar som bur vekke på laget. Slik tilvekst kan bety nokre poeng, trur Sigurdsson.

Leiaråtferda til viseadministrerande direktør Vidar Vie i Helse Førde kan ha vore til hinder for eit forsvarleg arbeidsmiljø for ein varslar i føretaket. Det gjer at styret må ta grep.
Leiv Thomas Faulkner måtte bli bråvaksen då han som 19-åring fekk beskjeden om at farsarven var brent ned og at alle eigedelane var vekk.