Snøballen byrja å rulle i Finnmark, der verksemda Havøysund Fisk og Industri kom i søkjelyset. For vel eitt år sidan gjekk politiet til aksjon mot Ervik Havfiske. To av toppane i selskapet der tilstod deler av det dei var skulda for. No er i alt 18 personar sikta. 10 av dei er fiskeskipperar knytte til Ervik Havfiske si gruppe av fartøy, skriv Sunnmørsposten i dag.
No er saka stort sett ferdig etterforska, og Morten Daae stadfestar at det er snakk om fiskefusk for vel ti millionar kroner.
Daae seier også at dei har hatt god hjelp frå dei to toppane i Ervik Havfiske etter at dei kom i søkjelyset deira i fjor.
Økokrim tok beslag i store mengder dokument hjå Ervik Havfiske då dei aksjonerte i fjor. (Foto: NRK)