Sogn og Fjordane kan få ei felles 3. divisjonsavdeling i fotball saman med Hordaland, dersom eit forslag om serieomlegging går gjennom på forbundstinget i NFF til våren.
- Les meir:
Rein kvaliksesong
Framlegget inneber at talet på avdelingar i Sør-Norge blir halvert frå 20 til 10. Det mest sannsynlege utfallet for Sogn og Fjordane blir ei felles avdeling med delar av Hordaland.
I så fall blir neste år ein kvalifiseringssesong, der dei seks beste laga i den noverande 3. divisjon får vere med i den nye avdelinga.
- Vil gje betre kvalitet
- Dersom vi ser på 3. divisjon i Sogn og Fjordane dei siste åra, er det eit tydeleg skilje på dei fem-seks beste og resten - det ser du også i år, seier Tornado Måløy-trenar Geir Ove Refvik.
- Les også:
- Ved å spisse dette, vil du få betre kvalitet i alle ledd, argumenterer han.
Trur det blir tøft
Dermed støttar trenaren klubbutviklar Per Are Verlo i fotballkrinsen, som meiner ei slik omlegging vil heve nivået på fotballen i fylket.
Skulle framlegget gå gjennom på tinget, blir 4. divisjon den øvste divisjonen med berre lokale lag i Sogn og Fjordane. I årets sesong berga Vik plassen i 3. divisjon med eit naudskrik - fordi Førde klarte opprykket til 2. divisjon.
- Les også:
- Det er ingen tvil om at det blir tøft. Men vi har eit ungt lag, der dei aller fleste blir med neste år, seier leiar Nils Steinar Hove i Vik.
Han trur Vik skal kunne greie å bli mellom dei seks beste laga neste år. Det kan i tilfelle gjere at klubben bergar plassen i 3. divisjon med eit naudskrik - igjen.