– Vi er no inne i ein fase der vi sjekkar ut litt spelarar som vi får innspel på. Vi vil sjå dei i vårt miljø. Og det vil komme fleire etter kvart, seier sportsleg leiar Håvard Flo.
- Les også:
Tek ei avgjerd ganske snart
Hovudtrenar Eirik Bakke har tidlegare varsla at Sogndal er på jakt etter ein keeper, ein midtstoppar og ein kantspelar i vinter.
Denne veka har klubben hatt besøk av James Poole (Dover Athletic), Ådne Nissestad (Brann), Sander Nordeide Grønli (Stabæk/Høyang) og Morten Strand (Rosenborg).
– Vi tek relativt kjapt ei avgjerd på om noko av desse skal bli hos oss, eller om dei må vidare og prøve seg i andre klubbar. Det er litt for tidleg å seie no, men det er eit trongt nålauge. Spelarane vi skal ha, må sjølvsagt ha eit visst nivå, seier Flo.
- Les også:
Får lokale spelarar på hospitering
Allereie kommande veke kjem det nye fjes på trening i Sognahallen. Mellom desse er Simen Lefdal frå Eid og Erling Myklebust frå Stryn. Desse skal hospitere med Sogndal ei veke.
– Korleis ligg de an i spelarjakta no?
– Vi ligg bra an, og vi jobbar intenst. Det er mange prøvespelarar, og det kjem nye over helga. Det kan også dukke opp andre namn og typar som kjem på hospitering i neste veke, seier Håvard Flo.
- Les også:
- Les også: