-Det er utruleg dramatisk og betyr mellom anna at vi ikkje kan starte opp nye store prosjekt, seier Velaug Veum, fylkesdirektør for samferdsle i Sogn og Fjordane. Kun mindre investeringstiltak kan gjennomførast når løyvingane er så små, seier ho.
Olden-Innvik må vente
-Kva med til dømes ferdiggjeringa av Olden-Innvik?
-Ja, denne strekninga må vente dersom ikkje fylkespolitikarane vil ta opp nye lån.Det er sjølvsagt mogleg, men vi har allereie store lån.
Tappa av store prosjekt
-Kva er årsaka til den enorme reduksjonen i løyvingane?
- Det er fordi vi ferdigstiller Bremanger2 og Dalsfjordbrua. Dette er to store prosjekt som har tatt mykje ressursar. Når desse prosjekta no blir ferdige så går løyvingane ned.
Prioriterer vedlikehald
-Kva med vedlikehald og asfaltering. Går dette etter planen?
-Vi prøvar å halde vedlikehald og drift av vegane oppe. Vi prioriterer dette framfor nye prosjekt, seier Veum.