Endra finansreglement på 14 minutt

Då kommunen skulle inngå avtalane i 2006, sende den dåverande rådmannen kommunen sitt finansreglement til Terra i ein epost.

• LES OGSÅ: Dette er Terra-saka

I denne eposten var ikkje opsjonar inkludert som moglege produkt kommunen kunne handle med. 14 korte minutt seinare gjekk ein ny epost med eit nytt finansreglement som opna for kjøp av opsjonar.

- Vi har ikkje noko dokumentasjon som underbygger at endringa har vore oppe til handsaming i Bremangers kommunestyre, skriv PricewaterhouseCoopers.

Vart villeia

Endringa, som ikkje var godkjent av verken kommunestyre eller formannskap, opna dermed for at kommunen kunne gjennomføre kjøp av derivatavtalane. Avtalar som no påfører kommunen tap på fleire millionar kroner.

• LES OGSÅ: Rådmann: – Hadde truleg ikkje tatt jobben hadde eg visst dette

I ei pressemelding stadfestar Bremanger kommune endringa som Gulhaugen gjorde.

• LES OGSÅ: Gambla med vilje

- Vedkommande har i sitt arbeid diverre latt seg forlede av meklarar som i si rådgjeving har råda kommunen til å inngå avtalar "som gav dem selv høyset mulig provisjon" og som var driven av "et vesentleg profittmotiv", skriv noverande rådmann, Tom Joensen, og siterer rapporten til revisjonsselskapet.

Må svare for sjølve

Arbeidsforholdet med Gulhaugen er no avslutta, og kommunen ynskjer ikkje å kommentere forholdet ytterlegare.

Kommunen har til no i år tapt 14 millionar kroner på derivata.

• LES OGSÅ: Mot ny millionsmell for Bremanger

Fylkesmannen har kome fram til at derivatavtalane er brot både på kommunen sitt eige vedtekne finansreglement, og kommunelova .

• LES OGSÅ: Vik kom seg ut av gamblinga

- Vi sler fast at det frå administrasjonen si side er sendt ein epost med eit reglement, og så er det svært kort tid seinare sendt eit anna reglement. Korleis dette kan skje, er noko dei folkevalde og administrasjonen må gå igjennom, seier fylkesmann Oddvar Flæte.