Endeleg har dei flotte løyper igjen

– I dag er det flotte forhold. akkurat no står eg på toppen av panoramaløypa. Her kan eg sjå ned Hornindal, sør om Våtedalen, langt ut mot kysten og i aust ser eg breen sjølv det er litt skya der, seier løypeansvarleg Arvid Hatledal.

Når NRK snakkar med han sundag føremiddag er han i gang med å køyre opp løyper. Når alle fjelløypene etter kvar blir opna kan dei tilby mellom fem og seks mil med skiløypar. Då er det løyper både i fjellet og låglandet. Slik løypa ligg no har dei målt avstandane slik

• Frå løypekryss Tverrfjellet til Hogden 4 km, frå Hogden til Veten 2,8 km, frå Veten til Svingesetøyane 4,4 km, frå Svingesetøyane til Ullsheim 2,3 km Dette er ein fin tur med utsikt til alle kantar.

Tidleg ute

– Allereie tidleg i dag møtte eg dei første med ski og pulk, sjølv om vinter det største innrykket frå 12 og utover.

Laurdag reknar han med at det måtte vere fleire hundre som ville nye finvêret ute i skiløypene, han trur ikkje det blir mindre i dag.

– Det er ingen grunn til å sitte heime å lure. Det fine forhold, akkurat no er det -6 grader, det er lit skyer i aust, men eg reknar med at det blir fint.

To magre

Dei to føregåande åra har vore prega av snømangel for Turløyper Stryn. Difor er det ekstra kjekt å ha nok snø i år.

– Det er som natt og dag. No kan vi legge løypene der dei skal vere. I fjor og året før var det svært mykje jobb med å få til dei løypene vi hadde.

For at alle skal kunne hygge seg i løypene har skisenteret ei lita oppfordring:

– Ta omsyn til kvarandre, ta med søppel og fjern hundelort frå traseane.