Midtstopparen var nære på å teikne seg på scoringslista, men stolpen stod i vegen etter ein god corner frå Martin Ødegaard i første omgang. Når heller ikkje lagkameratane makta å overliste den ungarske veterankeeperen, med unnatak av eit trøystemål på tampen, var landslaget eigentleg aldri i nærleiken.
– Det er bittert, men til sjuande og sist leverer vi ikkje godt nok over to kampar og då fortener vi ikkje å vidare. Dei får for lette mål og i tillegg scorar vi ikkje på dei sjansane vi får, seier Hovland.
- Les også:
- Les også:
Vil ikkje skulde på laguttaket
Ungarn var av dei fleste sett på som ein drøymemotstandar. Men over to kampar makta aldri Hovland og kompani å true hardtarbeidande og effektive ungararar.
– Vi hadde ein god sjanse. No er alle skuffa for at vi ikkje tok vare på den moglegheita, seier Hovland.
- Les også:
Han fekk spele begge dei to omspelskampane og kom frå det med æra i behald. Men etter nederlaget på søndag var fleire ekspertar var kritiske til at 16-åringen Martin Ødegaard fekk sjansen frå start og at Markus Henriksen var sett til ei uvant rolle som einsleg spiss på topp.
Hovland meiner laguttaket hadde lite å seie.
– Alle som er på landslaget er gode nok til å spele. Vi som var utpå der gjorde ikkje ein god nok jobb, då skal vi ikkje skulde på laguttaket, seier han.
Tøff VM-kvallik i vente
Hovland seier at landslagssjef Høgmo var ordknapp i garderoben etter tapet.
– Det var ikkje så mykje å seie heller, vi visste alle kva som stod på spel. Alle var skuffa over at vi ikkje greidde å levere, seier Hovland.
Til neste år ventar ei ny kvalifisering, denne gongen om retten til å spele VM i Russland i 2018. Blant overkommelege motstandarar som San Marino, Aserbajdsjan, og Nord-Irland, finn vi Tsjekkia og Tyskland.
- Les også:
Berre gruppevinnarane og det beste toarlaget er direkte kvalifisert, dei resterande åtte gruppetoarane må ut i omspel.
– Det er ikkje så gode sjansar der. Men vi får heller sjå fram til å møte gode lag. Det er alltid kjekt.