SÅG DRAMATISK UT: Elvis ligg nede for telling i heimekampen mot Alta.
Foto: Heidi Lise Bakke / NRK– Elvis har vore i full trening sidan måndag, opplyser medisinsk koordinator Kim Are Jacobsen i Sogndal Fotball til Sogn Avis si nettutgåve.
- LES OGSÅ:
Fekk kne i tinningen
Det var i heimekampen mot Alta 26. september at midtbanespelaren frå Elfenbeinskysten gjekk ned for telling i ein duell med ein Alta-spelar. Ivorianaren fekk eit kne i tinningen og var medvitslaus frakta av bana på båre.
Ein omtåka Elvis kunne ikkje gjere greie for kva dag det var, då det medisinske støtteapparatet stilte kontrollspørsmål etter smellen.
Trass dei dramatiske TV-bilete, slapp Elvis med skrekken og ei hjerneristing og vart skriven ut frå Førde sentralsjukehus dagen etter.
Er truleg i LøvHam-troppen
No har Elvis har vore i full trening sidan måndag.
Jacobsen seier til Sogn Avis at han reknar det som sikkert at ivorianaren er med troppen som møter Løv-Ham i Bergen søndag.
Sogndal leiar 1. divisjon med sju poeng ned til Fredrikstad når det står att fire kampar. Det er ytterlegare eitt poeng ned til Sarpsborg 08 på kvalikplass.
SJÅ TV-REPORTASJE: Elvis på sjukehus.
