– Måsane har bygd reir lags heile elvebreidda, men i går måtte dei sjå på at alt vart vekke. Dei måtte kapitulere mot vassmassane, seier Sølvi Kapstad frå Sande i Sunnfjord.
Ho driv Sande Kro og stod på verandaen rett ved elvebreidda. Elva Gaula vaks og vaks utover dagen i går. I dag har den gått litt ned, men det er framleis kraftig vassføring i elva.
Regionsjef i NVE, Brigt Samdal, stadfestar at det er mykje vatn i elvane rundt om i fylket no.
– Det er veldig mykje vatn i elvane på grunn av snøsmelting og regn, men det er likevel ikkje i fare for å få noko flaum her, seier Samdal.
IKKJE FARLEG: Brigt Samdal i NVE seier at dei ikkje er så mykje vatn at det er fare for flaum.
Foto: Benedikte Grov / NRK– Har vi nådd toppen no, då?
– Det kan framleis kome ein del vatn før det er tomt, og det kan kome fleire periodar med litt auka vatn. Men vi kjem ikkje til å nærme oss noko terskel for skader her i Sogn og Fjordane.
STOR ELV: Gaulavassdraget går utover sine vanlege breidder no.
Foto: nrk-tipsarHugs å passe på at vatnet kan få strøyme fritt
Sjølv om NVE ikkje forventar at vatnet skal føre til skader, understrekar Samdal likevel at det er lurt å passe litt på.
– Folk må vere obs på at vatnet får lov til å gå der det skal gå. Om kumlokk eller avløp er tette med greiner til dømes, må ein passe på at ein reinskar opp og let vatnet strøyme fritt, seier Samdal.
