Det varme vêret fører til høge temperaturar i fjellet, noko som set fart på snøsmeltinga. Kombinert med store mengder nedbør kan dette føre til nye flaumar.
- Les også:
– Varselet seier at det skal kome inn nedbør på søndag. Det er i dette vendepunktet vi kan få eit krevjande døger, seier regionsjef Brigt Samdal i NVE.
Varslar femårsflaum
TIME FOR TIME: Regionsjef Brigt Samdal i NVE seier det varme vêret kombinert med store nedbørsmengder kan føre til nye flaumar.
Foto: Ivar Lid Riise / NRKVarselet tilseie ein femårsflaum på gult nivå. Dette kan føre til flaum, men det heile er svært usikkert.
– Alt kjem an på når nedbøren kjem og kor kraftige regnbyer vi får, seier Samdal.
NVE ber folk vere observante og ta sine førehandsreglar.
– Sørg for at vatnet får renne der det normalt skal renne. Vi håpar dette kan vere med på å bidra til at vi unngår ein flaum, fortel Samdal.
- Les også:
Størst fare i indre strok
Slik varselet er no er det i indre delar av fylket at ein kan få dei største utfordringane.
– Lærdal og Aurland er blant områda vi føl ekstra godt med på.
Allereie i neste veke skal det bli kaldare igjen.
– Det er akkurat i vendepunktet det er kritisk. Når temperaturane går ned, så minkar også snøsmeltinga og då roar det seg nok, fortel Samdal.