NRK Meny
Normal

Eli Anne varma opp til EM med 5 km i Jølster

Før Eli Anne skal til EM i motbakkeløp, fleska ho til med siger og ny rekord på 5-kilometeren heime i Jølster.

Eli Anne Dvergsdal

KLAR FOR EM: Eli Anne Dvergsdal vann 5 km på heimebane. Her frå EM i 2015.

Foto: Privat

– Det er alltid kjekt å sette nye rekordar. Det er motiverande, seier Eli Anne Dvergsdal.

Ho sprang 5 kilometer under Jølster maraton, og trass i litt motvind i Jølster, slo ho den førre rekorden med om lag eitt minutt. Tidlegare har ho vunne både 10 km og halvmaraton i Jølster, og no er ho straks klar for EM i motbakke.

– Det var veldig fint, og eg følte meg sterk i dag, seier Jølstringen, som sprang for Gular i Bergen.

Maratondebutant tok siger

Under arrangementet kan ein springe fire ulike distansar. 5 km, 10, km, halvmaraton og heilmaraton. Jens Andreas Melheim frå Hafslo stakk av med sigeren i herreklassen på den lengste distansen. Og det var første gongen han deltok i den distansen.

– Det var godt å få gjennomført mitt første maraton. Eg hadde ein plan om å halde jamn fart heile, men dei blei mykje motvind, seier han.

Jølster Melheim

I LEIING: Vinnar, Jens Andreas i svart skjorte til høgre, hadde aldri før sprunge maraton.

Foto: Torje Bjellaas / NRK

42-åringen seier sigeren ikkje betyr så mykje, og at han hadde eit tungt løp.

– Det er jo ikkje ei kjempetid. Eg er berre ein glad mosjonist, seier Melheim.

Løpet har vore arrangert sidan 1983, og i år sprang 370 i konkurranseklassen. I tillegg var 350 mosjonistar med. Ifølge arrangøren var det godt springevêr.

– Det var ein veldig fin dag til å springe langt. Det var ikkje så varmt som det har vore dei siste dagane, seier Johnny Solheimsnes.

Her er alle vinnarane:

Her kjem han i mål

SIGER: Her kjem vinnaren av maraton i herreklassen over målstreken.

Foto: Johnny Solheimsnes

Maraton:

  • Jens Andreas Melheim, 2.51.32
  • Vivian Kyte, 3.13.11

Halvmaraton:

  • Knut Olav Øygard, 1.16.32
  • Trine Bjørvik, 1.32.12

10 km:

  • Eivind Øygard, 31.49
  • Ane Brekke, 41.08

5 km:

  • Marius Vedvik, 14.37
  • Eli Anne Dvergsdal, 17.19
Den nye regjeringa vurderer å kvitte seg med odelslova. Det kjem ikkje på tale, svarer bøndene.
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.