– Det skal vere svært glatt på riksveg 5 i Sogndalsdalen, opplyser operasjonsleiar ved Sogn og Fjordane politidistrikt, Synnøve Domben.
Politiet fekk melding om problem på vegstrekninga klokka 14.03, og NRK har fått fleire meldingar siste timen frå bilistar som har registrert krevjande køyretilhøve i Sogndalsdalen.
- LES OGSÅ:
Sende ut strøbil
Jan Erikstad ved Vegtrafikksentralen opplyser at det er sendt ut strøbil.
– Det skal vere veldig glatt. Når det regnar oppå snø og slaps, så vert det veldig vanskelege forhold, seier Erikstad.
Politiet skal ikkje ha fått melding om at nokon har køyrt borti kvarandre eller kollidert i Sogndalsdalen.
– Vi har ikkje fått melding om materielle skadar av noko slag, seier Domben.
- LES OGSÅ:
(Artikkelen held fram under biletet)
Kom ikkje av flekken
– Fleire store køyretøy sleit med å komme seg av flekken i det heile, så det seier litt om kor glatt det er, seier Erikstad.
Han har også fått melding om at det er glatte vegar fleire stadar i Sogn og Nordfjord.
– Det kan bli krevjande mange stadar ettersom regnet får snøen til å bryte opp. Så det er berre å ta det med ro, seier Erikstad.
Det har vore meldt om svært krevjande køyreforhold mange stadar i fylket. Ein septikbil fekk sleng på hengaren på riksveg 5 i Naustdal i føremiddag, noko som førte til at hengaren velta og mykje kloakk rann ut i vegen.
Fleire stadar har både små og store køyretøy hamna i grøfta på det glatte føret.
- LES OGSÅ: