NRK Meny
Normal

Ein person til legevakt etter trafikkuhell

Eit trafikkuhell på E39 sperra i morgontimane av den eine køyrebane i Sande sentrum.

Laster kart, vennligst vent...

KOLLISJON PÅ SANDE: To bilar involvert i eit trafikkuhell på Sande.

– To bilar er involvert i eit trafikkuhell i Sande sentrum, opplyser Olaug Holme ved politiet sin operasjonssentral i Florø like etter hendinga.

Politiet fekk meldinga klokka 08.30 om at to bilar skal ha kollidert. Det skal vere ein person i kvar bil. Trafikkuhellet skjedde i samband med inn og utkøyring i krysset mellom E39 og fylkesveg 610 i retning Viksdalen.

– Den eine føraren, ei kvinne, er sendt til legevakta i Førde. Det skal ikkje vere alvorleg, seier Holme som legg til at det ikkje skal vere mistanke om rus.

Vegen opp til Viksdalen var ei stund stengt av, i tillegg var den eine køyrebana sperra. No skal vegen vere opna att. Saka vert etterforska vidare av Førde og Naustdal lensmannskontor.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.