Politiet melder at ulukka skjedde på fylkesveg 615, eit par kilometer frå Hyen i retning Sandane.
Tre personar var involverte i ulukka. Den eine vart køyrt til sjukehus med sjokkskadar og smerter i brystet.
Ingen av bilane var køyrbare etter kollisjonen, begge trengde berging for å bli fjerna frå vegbana.
Det var uansett mogleg å passere og det skal ha vore lite trafikk på staden.