Hopp til innhold

Ei av 55.000 seier ja

Det er ei jente i 8.klasse som opprinneleg kjem frå Russland.

Ja til nynorsk

Talet på nynorskbrukarar i skulane i Oslo går ned. I 2002 var det 46 nynorskbrukarar. I dag er det ei jente som har valgt nynorsk.

Foto: Scanpix / SCANPIX

Det er nok overvekt av bokmålsbrukarar i landet vårt.

To fylke med nynorsk

Det er berre Sogn og Fjordane og Møre og Romsdal som har overvekt av nynorskbrukarar. Resten av fylka har flest bokmålsbrukarar. Og i Oslo er det svært få. Der er det berre éi av 54.806 elevar som brukar nynorsk.

I 2002 var det 46 nynorskbrukarar ved Oslo-skulane.

Ei einaste ei

Men i år er det altså berre ei jente som har valgt å bruke nynorsk som si målform viser tal frå Statistisk sentralbyrå.

Ho går på Kastellet skule i bydelen Nordstrand i Oslo. Åttandeklassingen kjem opprinneleg frå Russland, men budde på Vestlandet før ho flytta til Oslo.

Difor har ho nynorsk som målform, opplyser skulen hennar til ABC nyheter.

Ikkje ein einaste

I Østfold, Akershus, Hedmark og Finnmark er det ingen elevar som har valgt nynorsk som målform, skriv Kommunal rapport.

I 2006 var det 15 elevar som ville ha nynorsk som målform i Oslo.

Krympar og krympar

I skuleåret 2009-2010 har 13 prosent av alle elevane i grunnskulen nynorsk som målform. Dei siste ti åra har talet på nynorskbrukarar minka med 2 prosentpoeng.