Så dyrt er er det å liggje for nær

Du veit mest truleg at du bør ha 3 sekund mellom deg og bilen framom deg, men veit du kor strenge reglane eigentleg er? Og kor dyrt det kan bli for deg? Å køyre for tett med bilen framom deg er skummelt og risikofylt. Ein kan fort ende i kollisjon, men også opp i strafferegisteret.

1. Pass på sekunda

Er det 1–2 sekund mellom deg og bilen framom deg kan du få 5200 kr i bot og tre prikkar på førarkortet. Det er nok til å ende opp i strafferegisteret. Dette gjeld tørr asfalt, normalt trafikkbilete og gode køyreforhold. Er det dårleg vêr eller du har dårlege dekk kan straffa vere endå strengare.

2. Slik kan du miste lappen

Køyrer du med endå kortare avstand er straffa endå hardare. Med 0,3-0,5 sekund mellom deg og bilen framom deg får du 8000 kr i bot og mistar førarkortet i 3–6 månader. Er det så kortare avstand enn 0,29 sekund mellom bilane er straffa heile seks månader utan førarkort og i verste fall opp mot 10 000 kr i bot.

• Les også: Det kokte over då bilen bak ikkje tok eit hint
• Les også: Her mister bussjåføren lappen

3. Pass på prikkane dine

Endå strengare er det for lastebilar på over 3500 kg og for privatbilar der sjåføren har hatt førarkortet i mindre enn 2 år. Er du ein av dei sistnemnde bør du vere på vakt; straffa er dobbelt så hard for deg og heile seks prikkar på førarkortet. Berre to mindre enn det som skal til for å få inndratt førarkortet.