Skapar grønn glede rundt minnetavla i Lodalen - vil heidre dei som omkom

Sissel Tenden har i mange år vore leiar i Loen hagelag, og var primus motor for dugnaden inne i Lodalen. Men i 2012 ville dei lage til ein skikkeleg mur rundt blomsterbedet og kjøpte inn mykje blomster.

– Vi plantar tett for å unngå så mykje ugras. Då vert det meir lettstelt, seier Tenden.

Dei kjøpte inn plantar frå Nederland med friskt mot i 2012, men mange av plantane strauk med i 2013 fordi dei ikkje fekk nok vatn. Dei måtte til tider bruke gyllevogner for å få vatna blomstrane.

• LES OGSÅ: Slik steller dei med minnetavla
• LES OGSÅ: Her er båten framme på Lovatnet

Lodalen er eit populært turistmål om sommaren. Det er ikkje langt frå Olden cruiseskip-kai og inn til minnetavla. Den står der inst inne i Lodalen til minne om Lodals-ulukkene.

– Vi skal heidre dei. Det er difor vi gjer det, seier Tenden.

• LES MEIR OM LODALS-ULUKKENE I FYLKESLEKSIKONET

På minnetavla står namna på alle som dei ikkje fann att etter bølgja som raserte Lodalen både i 1905 og i 1936. Eit stort ras datt ned frå Ramnefjellet og laga ei kjempebølgje, slik at mykje av dalen kom under vatn.

Vi har følgt desse ivrige gratisarbeidande folka frå Loen på fleire dugnadar inni Lodalen. Våren 2013 kom til og med den nye båten Kjenndal 2 på plass.

Vi var med då turistane ankom plassen og fekk sjå kor fint det vart inni Lodalen.

Sjå Grønn Glede som går på NRK 1, tysdag 24. juni kl. 19.30.