NRK Meny
Normal

Dramatikk for Håvard Hallerud i Andebu

Det vart dramatikk då Håvard Hallerud køyrde X30 Challenge Norway i Andebu laurdag.

Håvard Hallerud

PÅ PALLEN: Håvard Hallerud frå Førde køyrde til slutt inn til ein 2.-plass.

Foto: Hilde Hallerud

I andre innleiande runde skar nemleg motoren seg i go karten til 18-åringen.

– Akkurat då trudde eg ikkje at eg skulle klare å kome på pallen. Først fekk eg litt panikk og trudde det kunne vere innstillinga på forgassaren. Eg køyrde ferdig runden, og så døydde motoren heilt, seier Hallerud.

Men trass i ein litt demotiverande start bestemte Hallerud seg for satse alt. Før finaleomgangen skifta han motor, og det var kanskje eit lykketreff.

– Eg merka med ein gong at med den nye motoren så hadde eg meir å køyre med enn eg hadde med den motoren som skar seg.

Det vart dramatikk då Håvard Hallerud køyrde X30 Challenge Norway i Andebu laurdag.

FINALE: Det går unna på banen i Andebu

Skifta motor før finalen

Med litt ekstra piff frå ein ny motor klarte han å køyre seg opp frå 17.-plass til ein 6.-plass i første finale. I den andre finalen starta han som nummer seks og køyrde seg opp til ein 2.-plass.

– Eg er godt nøgd med resultatet med tanke på at eg skar ein motor, og at heller ikkje hadde heilt farten tidlegare på dagen.

– Trur du det kunne halde til siger, dersom du ikkje hadde vore uheldig innleiingsvis?

– Godt spørsmål, eg mangla nokre tidelar på rundane til halde følge med Martin Ellegård som vann. Han var rett og slett overlegen i fart i dette løpet, seier Hallerud.

Satsar i utlandet

Hallerud prøvde go kart for første gong som niåring på sommaridrettsskulen. Han vart biten av basillen, og no må han utanlands for å få god nok motstand. I løpet av sesongen blir det løp i Belgia, Tyskland og Sverige.

– I utlandet er det eit svært høgt nivå. Det er kanskje berre tre – fire tidelar som skil dei 20–30 første. Dermed er det veldig vanskeleg å halde følge, og dermed så vert eg og ein betre førar.

– Kva er det store målet?

– Målet er vel å sjå kor god eg kan bli. Det er ikkje nødvendigvis ein draum om Formel 1, men det å sjå kor langt eg kan nå, seier Hallerud.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.