Rusmisbruk er eit aukande problem i Indre Sogn og me har store mørketal, seier Einar Ulf Menes i pårørandegruppa for rusmisbrukarar. Han vil ha ei ordning der ein kan dømme til behandling i staden for vanleg fengselsstraff.
I dag, tysdag kjem justisminister Odd Einar Dørum til Årdal for å ha møte med politi, helsevesen og kommunen. Menes vonar Indre Sogn kan gå i gang med eit forsøk med alternativ straff.