Det var ein laurdagskveld i februar i år at krangelen skjedde. Den dømde mannen skal ha løfta ein anna mann og dytta han ned i ein sofa. Den dømde mannen heldt seinare fast haka til den fornærma og slo han i anletet.
I krangelen truga nordfjordingen den fornærma mannen fleire gongar, og sa mellom anna at han skulle «knuse trynet hans».
Den fornærma forklarte i retten at han vart redd for at mannen i 30-åra skulle oppsøke han igjen, og skade han.
Derfor vart mannen i mai tiltalt for trugslar, vald og for at krangelen forstyrra «den alminnelege fred og orden».
Han meinte han ikkje hadde truga eller vore valdeleg, og sa seg ikkje skuldig i handlingane han var tiltalt for.
Påtalemakta meinte at mannen skulle dømmast til fengsel i 60 dagar. Forsvararen til mannen meinte i retten at mannen måtte frifinnast, men retten meiner at det ikkje var nokre formildande omstender, og sette dommen til 60 dagar fengsel.
Mannen i 30-åra må òg betale sakskostnader på 4 000 kroner.