Dømd for mannevaldtekt - igjen

Ein mann i 50-åra frå Sunnfjord er i Fjordane tingrett dømd til fengsel i tre år og tre månadar for valdtekt av ein mann.

Det er andre gong mannen blir dømd for valdtekt av ein yngre mann. I 2006 vart han dømd til ni månader fengsel for sovevaldtekt mot ein mann i 20-åra .

Det siste overgrepet fann stad i den dømde sin eigen bustad i februar i fjor.

Mannen i 50-åra vedgjekk at det var seksuell kontakt mellom partane, men han hevda overfor retten at dette var av frivillig karakter.

Retten festa derimot lit til den fornærma si forklaring om at han ikkje gav samtykke til den seksuelle omgangen. Retten meiner vedkommande var så rusa at han var ute av stand til å motsette seg handlinga.

I tillegg til dommen på fengsel utan vilkår i tre år og tre månader, må mannen betale 150.000 kroner i erstatning til den fornærma i saka.

Mannen stod også tiltalt for å ha 37 bilete av seksualiserte born, men vart frifunnen for det.

Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.
Mange hoppbakkar i Norge ligg som attgrodde monument frå ei gløymd stordomstid. Og utan hoppbakkar forsvinn også skihopparane. Men på Hafslo i Sogn og Fjordane held brødrene Lomheim hoppsporten i live med hundrevis av dugnadstimar, i håp om ein gong å sjå nye rekruttar sleppa seg frå bommen.