Motorsyklisten kollidert med vogntoget i ein sving 50 meter inne i Lotetunnelen på Lote-sida.
Ifølgje politiet var det føraren av motorsykkelen som omkom. Den 64 år gamle kona til mannen var passasjer. Ho vart send til Førde senstralsjukehus med luftambulanse. Ho vart operert tysdag kveld. Tilstanden er alvorleg, men stabil, opplyser sjukehuset.
Låg bak personbil
Føraren av vogntoget kom ikkje fysisk til skade i ulukka, som politiet fekk melding om klokka 15.45.
- Motorsyklisten låg bak ein personbil då han kom borti vogntoget som kom køyrande i motgåande køyrebane. Motorsykkelen hamna til slutt under personbilen, fortel operasjonsleiar Per Rimmen i Sogn og Fjordane politidistrikt.
Vegen stengd i to timar
Han kan førebels ikkje seie noko om grunnen til at motorsykkelen trefte vogntoget.
E39 var stengd i kring to timar etter ulukka, og det vart raskt lange køar på begge sider av Lotetunnelen.
