DNA-spor avslørte gjerningsmann bak omfattande hærverk

Politiet fekk treff i DNA-registeret og kalla inn ein mann i 20-åra til avhøyr på bakgrunn av dette. Det var Firdaposten som først omtalte saka.

– Han har no tilstått at han står bak skadeverket. Han er ein kjenning av politiet, fortel politistasjonssjef Wenke Hope til Firdaposten.

Det var i november at det skjedde ei rekkje tilfelle av hærverk i Florø. Blant anna blei det knust fleire ruter. På idrettssenteret i Florø var dekka til parkerte bilar skore opp med kniv.

Saka er no ferdig etterforska. Hope seier til Firdaposten at ho ikkje er overraska om det vil følge erstatningskrav mot den sikta.