ASKVOLL: Engebøsaka deler Askvoll
I ein kommune med stor semje i dei fleste saker, kan striden om sjødeponi i Førdefjorden bli viktig i årets valkamp.
AURLAND: Sp-Underdal: – Distad har gjort for lite for å løysa cruisekonflikten
– Me kan ikkje akseptera aksjonsformer som seier at turistane ikkje er velkomne hit, svarar ordførar Noralv Distad på kritikken frå Sp sin ordførarkandidat Ivar Bjarne Underdal (biletet).
BALESTRAND: Lurer ikkje på kva dei skal stemme etter at dei mista skulen sin
Nessingane Renate England og Gunn Linde er ikkje i tvil om kva parti dei skal stemme på under årets kommuneval. Det har den oppheta skulenedlegginga i kommunen sytt for.
BREMANGER: Bremanger ser framover, men er usamde om veg og ferjer
Etter fleire år der Terra-skandalen har prega kommunebudsjetta i Bremanger, kan ein no sjå framover. Og med frigjorde millionar, håpar politikarane at kommunen får vind i segla.
EID: Ap og Sp planlegg å kuppe makta
Allereie fleire veker før valet har Senterpartiet og Arbeidarpartiet i Eid inngått samarbeid. Målet er å ta makta ifrå Venstre som har dominert i Eid-politikken dei siste fire åra.
FJALER: Strid om skulenedlegging utfordrar Helle
Vil spørsmålet om skulenedlegging vere det som hindrar Arve Helle i å få sin fjerde periode ved makta i Fjaler?
FØRDE: Kva blir den neste store saka i Førde?
Det har vore flust med store og dels omstridde saker i Førde-politikken dei siste åra. Men kva no? Kva står valet om i september?
FLORØ: Kjempar om ordførarklubba
Både Ola Teigen (Ap) og Bengt Solheim Olsen (H) er sugne på ordførartittelen i Flora.
GAULAR: Vil gjere alt for å bli sittande her
Veteranpolitikaren Mathias Råheim og Høgre overraska alle med brakvalet for fire år sidan. Senterpartiet vil ha bastionen Gaular tilbake, men Råheim lovar kamp.
GLOPPEN: Blir ein av desse den neste og kanskje siste ordføraren i Gloppen
Nordfjordalternativet veg tungt i Gloppen når det kjem til kommunesamanslåing, sjølv om mange gjerne vil halde fram som eigen kommune.
GULEN: Nevekamp om kommunegrensene
Medan sitjande ordførar Hallvard Oppedal (Sp) ønskjer at Gulen held fram som eigen kommune, vil hovudutfordraren frå Høgre innlemme Gulen i ein større kommune.
HORNINDAL: Her kan det bli eigedomsskatt
Fylket sin dyraste kommune kan bli enno dyrare å bu i, dei komande fire åra. Ein mager pengesekk pressar fram spørsmål om eigedomsskatt i Hornindal.
HYLLESTAD: No gir han full guffe for politikken igjen
Fire år etter at han vart vraka frå fylkespolitikken, er Harry Mowatt (Ap) tilbake i manesjen. No vil han gjere comeback som ordførar i Hyllestad.
HØYANGER: Ser ny optimisme - seks år etter
Då felgprodusenten Fundo gjekk over ende, var det dramatisk for Høyanger. Først no – seks år seinare – er det lys i enden av tunnelen.
JØLSTER: Rottar seg saman mot Klakegg
Dei siste 20 åra har Senterpartiet sete med makta, dei fire siste i samarbeid med Arbeidarpartiet. Men no har Arbeidarpartiet funne saman med Høgre og Venstre for å få bytt ut ordføraren.
LEIKANGER: Ingebjørg (90) vil ikkje høyre snakk om kommunesamanslåing
Innbyggjarane vil ikkje høyre snakk om kommunesamanslåing, men politikarane i Leikanger har delte meiningar før kommunevalet.
LUSTER: – Vi er vaksne nok til å stemme
I Luster kan 16-åringar for andre gong vere med å påverke resultatet under kommunevalet.
LÆRDAL: Han utfordrar Solheim
Vel halvanna år etter storbrannen er mykje tilbake til det normale i Lærdal. Og ved kommunevalet 14. september er det venta nok eit jamnt oppgjer mellom Arbeidarpartiet og Senterpartiet om ordførarvervet.
NAUSTDAL: Ny splid i Naustdal: Rive eller pusse opp?
Naustdal kommune er allereie splitta i synet på sjødeponi i Førdefjorden. No har innbyggjarane fått ei ny betent sak – framtida til skulen.
SELJE: Mot siste val for Selje?
Politikarane i Selje trur det går mot siste val som sjølvstendig kommune.
SOGNDAL: Høgre: – Aarvoll (Ap) har vore lite raus
– Feil, svarar Jarle Aarvoll (biletet). Ordføraren i storebrorkommunen i Sogn frir til Luster og vil gi oppgåver til kommunehuset i Gaupne i ein framtidig storkommune.
SOLUND: Berre 800 innbyggjarar, men avviser kommunesamanslåing
Ein av dei minste kommunane i landet vil fortsette å vere blant dei minste, og ønskjer ikkje kommunesamanslåing. – Vi står best åleine, seier ordførarkandidat Gunn Mongstad (Sp)
STRYN: Han gjer heilomvending før valet
Ein av veteranane i politikken i Stryn har ombestemt seg.
VIK: - Utan Vikafjellstunnel har vi det best åleine
Politikarane i Vik er slett ikkje sikre på kva kommune det er best å slå seg i hop med. Men at dei vil ha hol i Vikafjellet, dét er dei sikre på.
VÅGSØY: Skulekrangelen vil ingen ende ta
Arbeidarpartiet utfordrar planane om ny ungdomsskule, medan Høgre lovar skulenedlegging. Valet er prega av full skulekrangel i Vågsøy.
ÅRDAL: Kor mykje taper Ap i Årdal?
Til vanleg er det einaste spenningsmomentet ved vala i Årdal kor nær Arbeidarpartiet kjem 80 prosent. I år reknar dei fleste med at partiet og ordførar Arild Ingar Lægreid kjem til å tape mange veljarar til andre parti.
