Dette får NRK stadfesta av fylkesordførar Jenny Følling. Ho er på ferie i Spania og ønskjer ikkje ut over dette å kommentere saka. Tidlegare har fylkesrådmannen vist til at Torghatten vil dekkje det aller meste av fylkeskommunen sine utgifter i samband med Fjord1-saka.
Fylkeskommune har brukt mykje tid og krefter på å førebu sal av den 59 prosent store aksjeposten i Fjord1. Det har mellom anna vore leigd inn eksterne konsulentar for 11 millionar kroner, konsulentar som meinte at salet ikkje ville bli stoppa av Konkurransetilsynet.
- Les også:
Vurderer anke
No har Konkurransetilsynet likevel stoppa salet. Eit eige punkt i avtalen med Torghatten gjer derimot at transportselskapet sjølv må dekkje konsulentutgiftene på 11 millionar kroner.
Konsernsjef Brynjar Forbergskog i Torghatten ønskjer ikkje å gje noko kommentar til at selskapet må dekkje fylkeskommunen sine konsulentutgifter. Samtidig fortel han at dei no vurderer om Konkurransetilsynet sitt vedtak skal ankast.
– Vi går no igjennom Konkurransetilsynet sitt vedtak og vurderer situasjonen.
– Så det er ikkje sikkert at de vil sende inn ein anke?
– Vi har saka under vurdering. Kva den endeleg konklusjonen blir kan eg ikkje seie noko om no.
- Les også:
Vil ikkje kommentere utgifter
Forbergskog vil ikkje seie at Konkurransetilsynet sitt vedtak er eit nederlag for Torghatten.
– Saka er samansett og vi ser ikkje på vedtaket som noko nederlag.
– Har Torghatten brukt dårlege rådgjevarar?
– Nei, det har vi ikkje.
– Kor store summar har Torghatten brukt på å prøve å få kloa i Fjord1-aksjane?
– Vi har brukt mykje tid og krefter på saka, seier Forbergskog som ikkje ønskjer å kommentere kor mykje pengar som har gått med.
- Les også:
