Jubelen stod i taket på Sande skule då quizmaster Geir Bjarte Hjetland kunngjorde resultatet og gratulerte med full pott.
Det siste spørsmålet til Aina Søgnen, Torgeir Furnes og Gunnhild Birkeland var: Frå kva sang er strofa «hvor de gylne stjerner blinker» henta? Svaret visste dei: «Deilig er den himmel blå».
– Vi er veldig glade, seier Aina. – Og litt overraska, supplerer Torgeir. – Vi fekk kanskje spørsmål om det vi kunne, seier Gunnhild.
Tre skular med 11 poeng
Når 28 av 34 skular har svart på spørsmåla i Klassequizen er altså Sande skule i teten med 12 poeng - dei einaste som så langt har svart rett på alle spørsmåla. Tre skular har 11 poeng: Askvoll skule, Førde ungdomsskule og Flatbygdi skule i Vik.
Bak dei fylgjer sju skular med ti poeng: Gloppen ungdomsskule, Vågsøy ungdomsskule, Fjaler ungdomsskule, Lavik skule, Olden skule, Flora ungdomsskule og Davik oppvekstsenter.
I tillegg er det ni skular som har ni poeng.
Frå 6. januar til 9. mars trålar quizmaster Geir Bjarte Hjetland att og fram, på kryss og tvers i Sogn og Fjordane for å stille 12 spørsmål til kvart av dei 33 laga.
Klassequizen er ein konkurranse for 10. klassingar, og det viser seg at det er mange skarpskodde elevar i ungdomsskulane både i Sogn og Fjordane og i landet elles.
Sjølv om ein del av spørsmåla har vore nokså vanskelege har mange lag sanka godt med poeng, og det er eit imponerande gjennomsnitt på dei skulane som har vore i elden så langt.
Når Hjetland har avslutta runden sin med Svelgen oppvekst den 9. mars er det tid for å summere opp og sjå kva lag som har kvalifisert seg for å vere med i fylkesfinalen. Datoen for fylkesfinalen er enno ikkje sett opp.
Men landsfinalen er fastsett. Den blir send på TV – på NRK1 den 14. mai. I fjor var det Olden skule som representerte Sogn og Fjordane.
- Les også:
- Les også:
- Les også:
Her finn du når din skule skal i elden og kor mange poeng som er delte ut til no: